الأحد، 22 أبريل 2012

سر زوجة

الحلقة الثالثة

قامت فاطمه تغير للولاد عشان يناموا وبعد ما حطتهم في سرايرهم رجعت تكمل الفيلم او يمكن تكمل شريط حياتها اللي بتفتكره كل ما تشوف الفيلم ده......
وفضلت فاطمه طول فترة الخطوبه بتحاول تفهم ابراهيم بس عشان فرق السن بينهم كان عشر سنين كانت دايما بتحس انه شايفها صغيره وعلطول بيفكر بدالها حتى لما نزلوا يختاروا الاوض نزلت مامتها ومامت ابراهيم معاهم وفضلوا يتكلموا ومحدش بيسألها ايه رأيك؟ وعشان فاطمه بطبعها هادي وكلامها قليل كانت بتفضل تسمع بس وكانت بتتكلم مع نفسها بس وفاتت فترة الخطوبه وقرروا ان الفرح يكون في اجازة الصيف بتاعت سنه تالته وفضلت مامت فاطمه كل يوم تشتري في الجهاز وحتى هدوم النوم والهدوم الداخليه كانت مامتها بتختارها وفاطمه تقول كويس وقرب يوم الفرح واشترت فاطمه الفستان واستعدت عشان تكون عروسه...

و يوم الفرح فضلت فاطمه قاعده في الكوشه واتكسفت تقوم ترقص وكان الفرح هادي خالص وعدى الفرح وروحت فاطمه بيت جوزها............
وفي البيت مكنتش عارفه تعمل ايه بالضبط عشان محدش قالها وحتى مامتها كل اللي قالتهولها:
ام فاطمه:خلي بالك من نفسك واسمعي كلام جوزك
فاطمه:حاضر يا ماما
وفي البيت قالت فاطمه لابراهيم:
فاطمه:تحب احضرلك العشا
ابراهيم:لا شكرا مش جعان يلا عشان نغير هدومنا
ودخلت فاطمه اوضة النوم ولقيت مامتها مطلعه قميص وروب لونهم ابيض فلبستهم وقعدت على السرير وكانا ابراهيم غير في الاوضه التانيه وقبل ما يدخل اوضه النوم خبط..
فاطمه:ادخل
ابراهيم دخل وقعد جنبها وقال:مبروك يا فاطمه
فاطمه:الله يبارك فيك
ابراهيم:عايز اقولك حاجه مهمه
فاطمه:اتفضل
ابراهيم:احنا ربنا كتب اننا نكون زوجين فلازم نعين بعض على طاعته وعايزين نكون اسره ملتزمه وهاديه واي حاجه تحصل في البيت متطلعش بره لاي حد
فاهماني يا فاطمه؟
فاطمه:اه فاهمه
ابراهيم قرب منها و...............................
فاطمه صحيت الصبح حست انها كانت بتحلم بس لقيت ابراهيم لسه نايم فقامت ودخلت الحمام خدت حمام وحضرت الفطار وراحت تصحي ابراهيم:
ابراهيم:صباحيه مباركه يا عروسه
فاطمه ووشها احمر:صباحيه مباركه
وفطروا سوا وابتدوا في الايام اللي بعد كده يستقبلوا اهلهم اللي جايين يباركلهم وعدت اجازة الصيف ورجعت فاطمه الكليه بس كانت بتروح كام يوم بس في الاسبوع عشان شغل البيت وعشان ابراهيم ميحسش انها مقصره في البيت وعدت اول سنه جوازفي روتين بيتكرر كل يوم يصحى ابراهيم يفطر يروح الشغل وفاطمه تشوف شغل البيت او تروح تحضر في الكليه ويوم الخميس بيسهروا قدام التليفزيون ويحصل بينهم علاقه خاصه بالليل وكل الايام بقت بتعيد نفسها وكمان فاطمه اتعودت على ابراهيم عشان طيب وبيعاملها بحنيه وهي كمان بتحاول ترضيه وخلصت سنه رابعه ونجحت فاطمه وابراهيم جابلها هديه كومبيوتر وفرحت بيه جدا عشان طول عمرها كان نفسها في واحد بس مامتها كانت بترفض وتقول انه عيب .
وحصل حمل وفرحت فاطمه جدا وابراهيم صلى ركعتين شكر لربنا و في الشهر الخامس اكتشفوا ان الحمل في توأم وطبعا كان حمل صعب وعدى بقيت اشهر الحمل على خير وولدت فاطمه ولدين سماهم ابراهيم (حمزه وانس) ولما كبر الولدين شويه ووصلوا لست شهور طلبت فاطمه من ابراهيم انها تنزل تشتغل عشان زهقت من قعدة البيت وابراهيم شجعها وقالها انه هيدور لها على شغل مناسب وخلال شهرين قدر ابرهيم انه يلاقي لفاطمه وظيفة محاسبه في شركه وفرحت آخر النهار وهي راجعه من الشغل وابتدت فاطمه تروح الشغل ...................
اول ما افتكرت فاطمه الشغل دموعها نزلت وهي بتفتكر اللي حصل هنـــــــــــــــــــــــــــــــــــــــــــــــا ك

ليست هناك تعليقات:

إرسال تعليق