زوجات غاضبات (5)

نهى بنت من عيله كبيره طول عمرها نفسها تتجوز عن حب بس مفيش حد مناسب وفي يوم كانت مستنيه المترو اتعرفت على شاب اصغر باربع وخدت رقم تليفونه وحبوا بعض وقرروا يتجوزوا وابتدت قصة نهى وابراهيم.......................................... ...............................................
من ايام الخطوبه وابراهيم ابتدى يتحكم فيها بشكل زياده جدا متخرجيش مع مامتك ولا تحطي ميك اب ولا تسوقي عربيتك ولا تقابلي بنات خالتك وهكذا...........
ونهى مستحمله عشان عايزه تتجوز عن حب وفاتت فترة الخطوبه واتجوزوا في شقه في عمارة بابا نهى وابتدى ابراهيم يظهر على حقيقته متنزليش عند مامتك وكل شويه يضربها ويهينها ويتصل بباباها:
ابراهيم:اطلع يا عمي عشان تربي بنتك
بابا نهى:انا طالع يا ابني
ويطلع بابا نهى ويحاول يهدي بينهم واستمرت المشاكل تكبر وابتدت نهى تضربه لما يضربها والموضوع زاد اوي وكمان عشان اهله من الصعيد بقى بياخدها تقضي اسبوع كل شهر هناك ولازم طبعا تعمل زي ما بيعملوا هناك وتساعدهم في شغل البيت وطبعا كل ده حاجات نهى مش واخده عليها ونهى بقت حامل وطبعا بقت بتستحمل عشان الحياه تستمر وولدت نهى ولد جميل بس للأسف ابراهيم ابتدى يقولها:
ابراهيم:متسيبيش الولد عند مامتك تحت ابدا
نهى:ليه يا ابراهيم؟
ابراهيم:هوه كده
نهى:طب هسيبه عند ماما لما اروح للكوافيره
ابراهيم :انا هوديكي واستناكي في العربيه مع الولد لغاية ما تخلصي
نهى:مش معقول كده
ابراهيم:هوه ده وان كان عاجبك
وفضلت نهى صابره وساكته عشان ابنها وبعد فتره جه لابراهيم شغل في دوله عربيه وطبعا سافرت معاه وابتدت تعيش في الغربه بعيد عن اهلها واستمر ابراهيم يضربها كل كام يوم على اي حاجه تحصل حتى لو كانت بسيطه واللي زاد عليها انه بيقول طول الوقت الفاظ وحشه حتى وهو بيهزر معاها وهي تفضل تقوله كده الولد هيتعلم الالفاظ ده وهو يضحك ويقولها وماله وحملت نهى في البيبي التاني وابراهيم زي ما هو مش بيتغير ولا حتى بيحاول وابتدت نهى تفكر ترجع مصر وتطلب الطلاق.............................