سر زوجة

الحلقة الخامسة

 

وبعد ما فات اسبوعين على شغل فاطمه جه في يوم ابراهيم وقالها:
ابراهيم:باركيلي يا فاطمه
فاطمه:خير
ابراهيم:جالي عقد عمل في السعوديه
فاطمه:الف مبروك وهنسافر امتى ان شاء الله ؟
ابراهيم:للأسف يا فاطمه انا هسافر لوحدي في الاول لغاية ما اضبط اموري وبعدين ابعتلك انتي والولاد علطول
فاطمه:هتسيبنا لوحدنا؟
ابراهيم:ده فتره مؤقته وهتعدي
فاطمه:وانا هقعد لوحدي؟
ابراهيم:لأ طبعا هتقعدي عند مامتك
فاطمه:اللي تشوفه يا ابراهيم

وسافر ابراهيم وراحت فاطمه مع الولدين عند مامتها وكانت زعلانه اوي لأن ده اول يوم هتنام من غير ابراهيم وكمان بره بيتها............
تاني يوم راحت فاطمه شغلها بعد ما غيرت للولاد وأكلتهم واول ما وصلت قابلت ميرفت:
ميرفت:خير يا فاطمه زعلانه ليه؟
فاطمه :لا ابدا مفيش حاجه
ميرفت:لأ بجد مالك؟
فاطمه:اصل ابراهيم سافر امبارح
ميرفت:معلش ربنا يرجعهولك بالسلامه
وطلعت فاطمه مكتبها وابتدت تشتغل بس كانت مش مركزه خالص وفجأه لقيت احمد باصص من الشباك اللي جنب مكتبها وقالها:
احمد:صباح الخير يا فطومه
فاطمه:ايه؟
احمد:ايه بدلعك مدلعكيش؟
فاطمه:مش بحب الهزار بالطريقه ده
احمد:انا آسف مكنش قصدي ادايقك
ميرفت:سبها انهارده عشان هي زعلانه
احمد :مالك يا فاطمه؟
ميرفت:اصل جوزها سافر امبارح
احمد:وايه يعني بكره يرجع بالسلامه,متزعليش يا فاطمه
ووقت الاستراحه قعدت فاطمه وميرفت مع بعض وطلبوا شاي وجه احمد وجاب لفاطمه شيكولاته وقالها:
احمد:اتفضلي انا قريت ان الشيكولاته بتخلي الانسان سعيد
فاطمه:شكرا
ميرفت:مجبتليش واحده ليه؟
احمد:اوعدك اول ما جوزك يسافر هجيبلك علبه بحالها
وقعدوا يضحكوا كلهكم................................
وحست فاطمه ان شغلها جه في وقته لأنها كانت هتتجنن من الفراغ ومع الوقت ابتدت تتعود على سفر ابراهيم وكانت اتفقت معاه يتكلموا عالنت كل يوم خميس عشان شغله كان واخد كل وقته .
و في يوم راحت فاطنه الشغل بس كان عندها صداع رهيب واول ما قعدت على مكتبها طلب منها المدير ملف مهم وراحت فاطمه تطلع الملف وكانت ماسكه راسها من كتر الألم وقابلها احمد:
احمد :مالك يا فاطمه انتي تعبانه؟
فاطمه:لاابدا ده شوية صداع
احمد :طب روحي ارتاحي
فاطمه :هطلع ده للمدير ,عن اذنك
وفضل احمد باصصلها وهيه ماشيه وحس باحساس غريب ناحيتها اول مره يحس بيه ناحية اي واحده وكمان حس انها بريئه اوي ومعدهاش تجارب ........
نزلت فاطمه من عند المدير وقعدت على مكتبها ولقيت احمد جي من بعيد ماسك كوباية ميه:
احمد:انا جبتلك مسكن
فاطمه: مش عارفه اشكرك ازاي؟
احمد:عايزه تشكريني؟قومي خدي اذن وروحي نامي
فاطمه:لا لا انا عندي شغل كتير
احمد:الشغل ما بيخلص,قومي ولو فيه حاجه مهمه انا هكملها
وقامت فاطمه وروحت ونامت من كتر التعب وهي نايمه حلمت باحمد بيبصلها وبيضحك....................
قامت من النوم مخضوضه واستغربت انها حلمت باحمد زميلها وكمان ده اول مره تحلم وتصحى فاكره الحلم!!!!!!!!!!!!!!
وفضلت فاطمه كل يوم تروح الشغل ومكنش في حاجه بتتغير في روتين حياتها غير لما بتقعد هي وميرفت واحمد وقت الاستراحه ويفضل احمد يضحكهم ويحكيلهم حكايات بتحصل معاه.
وفي يوم اتعلقت ورقه في الشركه عن رحله للعين السخنه لكل الموظفين واسرهم وسألت ميرفت:
ميرفت:هتتطلعي يا فاطمه؟
فاطمه:لا مش هينفع ابدا
ميرفت:ده الرحله بتكون تحفه وكلنا بنتبسط اوي
فاطمه :مش هينفع اطلع بالولدين لوحدي
وجه احمد عشان يسجل اسامي اللي هيطلعوا الرحله فميرفت قالت:
ميرفت:شفت يا احمد فاطمه مش عايزه تطلع؟
احمد:ليه يا فطومه؟
ميرفت :عشان الولاد يا سيدي
احمد:مالهم الولاد؟
فاطمه:مش هقدر اطلع بيهم لوحدي
احمد :خلاص سيبيهم مع مامتك
فاطمه :انا عمري ما خرجت لوحدي من غيرهم
احمد:خلاص هاتي مامتك معاكي
ميرفت:تصدق اول مره في حياتك تقول حاجه مفيده هههههههههههه
فاطمه:خلاص هشوف ظروفي وارد عليكوا بكره
احمد:اوعي ما تطلعيش انا مقدرش اطلع من غيرك وكمان هعيط
ميرفت:ياه يا واد يا حساس
احمد:امال ايه؟؟؟؟؟؟؟؟ هههههههه


يا ترى فاطمه هتطلع الرحله؟ ولو طلعت ايه اللي هيحصل؟