أميرتي

 

الحلقة الأولى

 

 

في أحدى الغرف في بيت للطالبات المغتربات في كانت هاله نائمة و شعرها الأسود منتشرا على الوسادة و في تمام الساعة الثامنة صباحا أفاقت من نومها و هي تفتح عينيها بصعوبة بالغة فقد سهرت طوال الليل تذاكر فهي في بداية عامها الدراسي الأخير حيث تدرس اللغة الإنجليزية بكلية الآداب جامعة القاهرة , دخلت هاله الى الحمام لتغتسل و تتوضأ لتصلي الضحى قبل التوجه الى كليتها لتلحق بالمحاضرة الأولى في تمام الساعة العاشرة و قد اعتادت هاله أن تذهب الى الجامعة سيرا على الأقدام و ذلك لتوفر المال ليكفيها طوال الشهر حيث أنها من أسرة بسيطة تعيش في الأرياف و هي ابنة وحيده لوالدتها المسنة والتي ربتها بمفردها بعد وفاة والدها منذ أن كانت طفلة صغيرة .

ارتدت هاله بنطالا من الجينز الأزرق و قميصا طويلا أبيض اللون و حذاءا أبيض و رفعت شعرها للأعلى و ارتدت نظارتها الطبية و حملت حقيبتها الزرقاء المصنوعة من قماش الجينز و غادرت الغرفة تاركة زميلتها عاليا نائمة فهي لا تلتزم بحضور محاضراتها في كلية التجارة , أغلقت هاله باب الغرفة بهدوء و نزلت لتبدأ رحلتها اليومية للجامعة حيث تستغرق خمس و أربعون دقيقة لتصل الى كليتها , و في طريقها و قفت لشراء افطارها الذي يتكون عادة من ساندويتش من الفول وكوبا من الشاي بأحد المطاعم الرخيصة في طريق الجامعة و بعد ان أنهت افطارها أكملت طريقها و لم تهتم لنظرات الأعجاب التي تحيط بها بالرغم من بساطة ملابسها الا أنها ممشوقة القوام و جميلة الملامح فعيونها سوداء واسعة تحيط بها رموشا طويلة و أنفها رقيق و شفتاها كأنها في قبلة دائمة و بشرتها بيضاء منتشرا بها بعض النمش الذي يزيد من جمالها الباهر, وصلت هاله الى قاعة المحاضرات و كانت سعيدة لأن اليوم هو يوم الخميس الأول من الشهر حيث ستسافر لتزور والدتها الحبيبة فهي تزورها مرة واحدة كل شهر حتى يكفيها المال الذي تبعثه اليها والدتها من معاش والدها البسيط لتكمل به الشهر كاملا , ابتسمت هاله و هي تتذكر كيف تقضي النصف الاخير من الشهر فقد تكتفي بوجبة واحدة فقط و ربما كوبان من الشاي طوال اليوم , كانت هاله تشعر بالرضا و لا تحزن لأنها لا تملك ملابس او هواتف محمولة مثل باقي زميلاتها بل كانت تتميز بين زميلائها بشخصيتها القوية و أخلاقها الراقية و كان لها الكثير من الأصدقاء خاصة أنها متفوقة و كل عام تكون من الخمس الاوائل على دفعتها , كانت هاله دائما تنتظر اليوم الذي تنهي فيه دراستها و يتم تعيينها كمعيدة في الكلية و تدخل السعادة على قلب والدتها الغالية فكرت هاله:
هاله ( وحشتيني أوي يا ماما ... فاضلي كمان محاضرتين و أركب القطر و اجيلك وأبات في حضنك انهارده ... يا ترى عملتيلي الملوخية اللي بحبها ؟؟؟ ولا صينية البطاطس ؟؟؟ لحسن بطني نشفت من الفول والطعمية .... يااااااااه يا رب الوقت يفوت بسرعة بقى.............)

أنهت هاله محاضراتها و اتجهت الى باب المبنى لتخرج منه فاستوقفها صوت شريف زميلها الذي يكن لها أعجابا لا يستطيع اخفاءه بالرغم من محاولته:
شريف:هاله ... رايحه فين علطول كده؟
هاله وهي تحاول انهاء المحادثه سريعا:ازيك يا شريف معلش اصلي مسافره البلد انهارده و عايزه الحق القطر, عن اذنك
شريف:تحب أوصلك المحطة بعربيتي؟
هاله بملل:شريف بقالنا تلات سنين وآدي الرابعة بقولك شكرا مبركبش عربيات مع حد
شريف:بس احنا زمايل في كلية واحده
هاله:معلش يا شريف وعن أذنك بقى
تنطلق هاله في طريقها بينما يقف شريف يتابعها بعينيه و يأتيه صوت صديقه هاني:
هاني:اييييييييييييييه يا بني روحت فين؟
شريف:هتجنني يا هاني
هاني:انا مش عارف عاجبك فيها ايه ؟ هي أي نعم حلوه بس بلدي أوي و مش ستايلك خالص
شريف:اسكت بقى متتكلمش عنها كده
هاني:يا بني ده انت كل البنات هتموت عليك , انت ناسي انت ابن مين؟
شريف:لا طبعا مش ناسي بس أنا بحبها بجد
هاني:بص يا شريف:هاله ده بنت جد وحاطه هدف لازم توصله ومش هتسمح لأي حد يعطلها حتى لو كان واحد زيك وبيحبها
شريف:يعني مش هتحبني أبدا؟؟؟؟؟؟؟
هاني:معتقدش , ويلا بقى يا معلم ده انهارده ليلة الخميس هنسهر للصبح
شريف:يلا بينا هنروح فين انهارده؟
هاني:انا بقول نروح سوليتير سمعت ان خالد سليم هيغني هناك
شريف:طيب يلا نروح نتغدى ونغير و ننزل
هاني:يلا بينا


و صلت هاله محطة القطار وجلست تنتظر وصول القطار و عندما وصل تدافع الناس للدخول الى عربة الدرجة الثالثة صعدت هاله و جلست بجوار سيدة مسنه ذكرتها بوالدتها و ظلت هاله طوال الطريق تفكر في مستقبلها و كيف أنها تريد تعويض والدنها عن كل ما عانته في سبيل تربيتها و تعليمها...................................




السكرتيرة الحسناء

 

 

الحلقة الثالثة عشر

و الأخيرة

طلعت شهد البيت ولقيت احلام مستنياها واول ما شافتها قالت:
احلام:بتعيطي ليه ؟ايه اللي حصل؟
شهد:مفيش حاجه اصل معتصم زعل مني
احلام:ليه؟
وحكتلها شهد اللي حصل واحلام فضلت ساكته شويه وبعدين قالتلها:
احلام:يا حبيبتي انا اكبر منك بكتير وهقولك على حاجه مهمه جدا الانسان بيقابل الحب الحقيقي مره واحده في حياته ولو ما تمسكش بيه هيفضل طول عمره منغير حب,ممكن تعجبي بشباب كتير ويعجب بيكي شباب اكتر لكن تقابلي انسان يحبك حب زي حب معتصم مش متهيألي هيتكرر تاني
شهد:بس اخته قالت.........
احلام:يعني معقوله انت مخدتيش بالك انها غيرانه على اخوها
شهد:غيرانه مني انا؟
احلام:فيروز ده مدلعه ومغروره واكيد مش عايزه واحده تشاركها حب اخوها وباباها
شهد:معقوله للدرجه ده؟
احلام:واكتر من كده
شهد:طب واعمل ايه عشان معتصم يعرف اني بحبه؟
احلام:اتصرفي زي ما قلبك يقولك واكيد هتعرفي ازاي توصليله حبك
شهد استأذنت ودخلت اوضتها وفضلت تفكر ازاي تخلي معتصم يصالحها ويعرف انها بتحبه بس كانت متردده عشان كلام اخته..................................
تاني يوم الصبح وصلت شهد الشركه واستنت معتصم لما يجي بس لقيته اتأخر اوي عن معاده فقلقت عليه واتصلت بيه:
شهد:الو
معتصم:ايوه يا شهد
شهد:انت اتأخرت ليه؟
معتصم:مش هقدر آجي انهارده
شهد:انت تعبان؟
معتصم:شويه
شهد:طب ممكن اشوفك
معتصم كان نايم على السرير وقام قعد وقالها:تشوفيني؟
شهد:ايوه عايزه اكلمك في موضوع مهم
معتصم سكت شوه وقالها:طب تحبي امتى وفين؟
واتفقوا يتقابلوا في كافيه المهندسين الساعه 8 بالليل وقفلوا وهما مستنين بالليل يجي بسرعه....................
الساعه 8 دخل معتصم الكافيه وكان لابس بنطالون ابيض وقميص كحلي وشوز بني و فضل يدور على شهد ومش لاقيها وبعد شويه النور هدي في المحل خالص وابتدت تتعزف موسيقى لاغنية اصاله (بين ايديك) وسمع صوت شهد بتغني كاريوكي على اللحن( بين ايديك انا بنسى روحي بين ايدك ..صعب اعيش في الدنيا ديه الا بيك ..كل يوم بيفوت عليه حبي ليك بيزيد شويه محتاجالك جنب مني اوعى ليله تغيبها عني....................)
وفضل كل الناس يتفرجوا على شهد وهي بتقرب من معتصم وكانت لابسه جينز ازرق ضيق وعليه بادي اسود حمالات وفيه خطوط فضي وصاندال فضي وفارده شعرها ولما وصلت عند معتصم ابتدوا يرقصوا والاغنيه بقت بصوت اصاله ورقصوا سلو وكل اللي في الكافيه عملوا دايره حواليهم وفضل معتصم سكت ومش مصدق نفسه وحس انه بيحلم وشهد كانت فرحانه ان احساسها وصل لمعتصم وبعد الاغنيه ما خلصت الناس صقفوا جامد اوي وخرج معتصم وشهد وقعدوا على ترابيزة في جنينة الكافيه ومعتصم قالها:
معتصم:صوتك جميل اوي
شهد:بجد
معتصم:انت كل حاجه فيكي جميله
شهد:انا بحبك يا معتصم
معتصم:انا مش مصدق انا اكيد بحلم
شهد:لا صدق انا بحبك من مده بس كنت خايفه من مشاعري ناحيتك عشان اول مره احس بالحب
معتصم:يعني خلاص مفيش خوف ولا شك؟
شهد:خلاص في ثقه ملهاش حدود
معتصم:طيب و تحبي نتجوز امتى ؟
شهد:مش نتخطب الاول
معتصم:نتخطب ايه ؟ هو انا لسه هستنى؟
شهد:انت مستعجل كده ليه؟
معتصم ضحك :لما تكبري هقولك
واتفقوا انهم يتجوزوا اول الشهر وطلب من شهد تحددله معاد مع اخوها وبالليل وصلها البيت وهما طايرين من الفرح................................


واول الشهر في فيلا معتصم الساعه 1الظهر ابتدوا المعازيم يوصلوا عشان يحضروا الفرح اللي كان معمول في الجنينه وكانت مليانه بالونات حمرا وبيضا وترابيزات عليها مفارش بيضا وفوط حمرا والكوشه كانت على شكل قلب احمر كبير والكراسي بيضا وفضل معتصم مستني شهد تنزل وكان لابس بدله بيضا وقميص ابيض وبيبيون ابيض وكان متوتر جدا ونزلت شهد وكانت لابسه فستان كمامه نازله على كتفها ونازل ضيق على الصدر وبعد كده واسع اوي لتحت وفيه طبقات قماش لونه ابيض وكانت فارده شعرها وحاطه تاج من الورد الابيض وفيه فروع قصيره خضرا واول ما شافها قرب عليها ومسك ايديها وابتدت الموسيقى تعزف اغنية (كفايه نورك عليه ) لعبدالحليم حافظ ورقصوا عليها وبعدين ابتدى المعازيم يرقصوا معاهم وشهد شافت من بعيد شيماء مرات اخوها واقفه بتبصلها من بعيد وكانت مش فرحانه بس شهد خلاص نسيت كل اللي حصل في حياتها قبل ما تقابل معتصم وضحكتلها وكمان فيروز اخت معتصم جت سلمت على شهد وقالتلها :
فيروز:خلي بالك من معتصم ده اغلى حاجه عندي
شهد:متقلقيش ده بقى اغلى حاجه في حياتي انا كمان
وحضنوا بعض وحست شهد ان فيروز هتكون زي اختها وطول الوقت كانت احلام جنب شهد عشان لو احتاجت حاجه وبعد الفرح ما خلص ركب معتصم وشهد العربيه وراحوا يقضوا اسبوع في فندق الهيلتون و واول ما طلعوا الاوضه بصلها معتصم وقالها:
معتصم:ياااااااه اخيرا يا شهد
شهد:اخيرا يا حبيبي
معتصم:ايه؟
شهد:يا حبيبي
معتصم شالها وفضل يلف بيها ويضحكوا وبعدين نزلها براحه على السرير وقرب منها وقال:
معتصم:اعمل فيكي ايه؟
شهد:ايه مش فاهمه؟
معتصم:انا هفهمك حالااااااااااااا.................................. .................................................. ................................
الصبح صحيت شهد لقيت معتصم معتصم قاعد يبصلها واول ما فتحت عينيها باسها في راسها وقالها :
معتصم:وحشتيني
شهد:وانت كمان
وحضنوا بعض جامد اوي و................................................. .................................................. .....................


يا رب القصه تعجبكم

 

 



السكرتيرة الحسناء

 

 

الحلقة الثانية عشر

 

 

رجعت شهد القاهره هي واحلام ومعتصم وابتدت علاقة شهد ومعتصم تبقى اقوى كل يوم يكلمها عالموبايل يصحيها من النوم ويعدي عليها يروحوا الشركه سوا و وقت الشغل بينهم تفاهم كبير جدا وابتدت شهد تفهم كل الشغل وزاد اعجاب معتصم بشخصيتها وجه يوم بعد الشغل قالها:
معتصم:شهد انتي معزومه عندنا في البيت على العشا
شهد:بمناسبة ايه يا ترى؟
معتصم:انا كلمتهم عنك وهما نفسهم يشوفوكي
شهد:طب مش المفروض اننا نتقابل برده احسن
معتصم:اصل بابا تعبان ومش بيخرج كتير
شهد:طيب العشا الساعه كام؟
معتصم:الساعه 8 هعدي عليكي
شهد:اوكيه
و روحت شهد البيت وحكت لاحلام عن موضوع العزومه واحلام استغربت موضوع العزومه بس مرضيتش تقلق شهد عشان شافتها فرحانه فقالتلها روحي بس خلي بالك اخته مش سهله ابدا ففضلت شهد قلقانه من موضوع اخته وخافت انها تضايقها بالكلام وشهد مبتعرفش ترد على اي حد بيضايقها...................
الساعه 8 اتصل معتصم بشهد وقالها انه وصل تحت العماره ونزلت شهد وكانت لابسه فستان اصفر كات وطويل وعليه صاندال ابيض وشنطه بيضا وكانت فارده شعرها وحاطه ميك اب رقيق واول ما ركبت العربيه معتصم قالها:
معتصم:زي القمر يا شهد
شهد:متشكره,ممكن تكلمني شويه عن باباك واختك
معتصم:بابا يا ستي راجل ابتدى من الصفر وكون الشركه ده واول ما انا كبرت ارتاح هو وانا مسكتها اما بقى فيروز اختي فهي خريجة الجامعه الامريكيه ودلوعة العيله و بحبها جدا جدا.
شهد:ربنا يخليكوا لبعض
وبعد نص ساعه لقيت شهد معتصم وقف بالعربيه ادام فيلا جميله جدا وركن ونزل فتحلها الباب ونزلت شهد وكان قلبها بيدق اوي............
وقف معتصم وشهد عند الباب وقبل ما يرنوا الجرس الباب اتفتح ووقفت بنت زي القمر تبص لشهد من فوق لتحت فمعتصم قال:
معتصم:اقدملك فيروز اختي , اقدملك شهد يا فيروز فتاة احلامي
شهد:تشرفنا
فيروز:اهلا بيكي اتفضلوا ادخلوا
دخلوا كلهم على الصالون وقعدوا يتكلموا عن الدراسه وبعد شويه جه والد معتصم وسلم بطريقه كويسه جدا على شهد وقال:
والد معتصم:ايه الجمال ده كله
معتصم:بابا ده هتكون خطيبتي انا مش عايز شقاوه
والد معتصم:يا خساره لو كنت قابلتك من اربعين سنه
شهد:حضرتك لسه شباب يا انكل
فيروز :يعني ممكن تتجوزي واحد في سن بابا؟؟؟؟؟؟؟؟؟؟؟
شهد:لو هيكون وسيم كده زي انكل موافقه طبعا (بس حست ان فيروز ابتدت تضايقها)
فيروز:ههههههههه دمك خفيف موت
وقعدوا يتكلموا وبعد شويه جت الشغاله تقولهم ان العشا جاهز وراحوا كلهم يقعدوا على السفره وقعد معتصم جنب شهد وابتدوا ياكلوا الشوربه وبعدين الطبق الرئيسي وبعد كده نزل الحلو وكان تشيز كيك وبعد كده راحوا كلهم قعدوا في الجنينه بتاعت الفيلا وكانت كلها اضاءه في الارض شكلها جميل والجو رومانسي جدا
وابتدت فيروز تتكلم مع شهد:
فيروز:انت ساكنه فين؟
شهد:انا عايشه مع خالتي في المهندسين
فيروز:امال فين باباكي ومامتك؟
شهد:اتوفوا
فيروز:ومعندكيش قرايب خالص؟
شهد:لا عندي اخ اسمه هشام مهندس
فيروز:وليه مش عايشه معاه؟
شهد:اصل خالتي وحيده وطلبت اني اعيش معاها
فيروز:عندك عربيه نوعها ايه؟
شهد:للاسف لسه مشترتش عربيه
فيروز:اما بتتحركي ازاي؟
شهد:بالتاكسيات
فيروز:انتي بتحبي معتصم؟
شهد:لسه مش متأكده
فيروز:طب هو بيحبك؟
شهد:هو قالي كده
فيروز:طب خلي بالك عشان معتصم كل كام يوم بيقول لواحده انه بيحبها
وقامت وسابت شهد لوحدها تفكر في كلامها وجه معتصم يقعد معاها وقالها:
معتصم:ها اتصاحبتي انت وفيروز؟
شهد:اه دي لطيفه اوي
معتصم:وايه رأيك في بابا؟
شهد:حنين اوي ربنا يخليهولك
معتصم:قررت مشاعرك ايه من ناحيتي ولا لسه؟
شهد بصتله وهي خايفه من كلام فيروز وحست انها محتاجه تقعد لوحدها ففضلت ساكته مش عارفه تقول ايه ومعتصم افتكرها مش بتحبه فزعل جدا وسكت
وشهد طلبت منه يوصلها البيت وسلمت على باباه واخته وطول الطريق متكلموش ولا كلمه وعند العماره قالتله:
شهد:متشكره على السهره الحلوه ده
معتصم:تصبحي على خير يا شهد
وساق العربيه بسرعه ووفضلت شهد تبص عليه لغاية ما بعد عن عينيها ولقيت دموعها بتنزل بس معرفتش هي بتعيط ليه؟؟؟؟؟؟؟؟؟؟؟؟؟؟؟؟؟


يا ترى ايه اللي هيحصل ؟؟؟؟؟؟



السكرتيرة الحسناء

 

الحلقة الحادية عشر

رجعت شهد القاهره هي واحلام ومعتصم وابتدت علاقة شهد ومعتصم تبقى اقوى كل يوم يكلمها عالموبايل يصحيها من النوم ويعدي عليها يروحوا الشركه سوا و وقت الشغل بينهم تفاهم كبير جدا وابتدت شهد تفهم كل الشغل وزاد اعجاب معتصم بشخصيتها وجه يوم بعد الشغل قالها:
معتصم:شهد انتي معزومه عندنا في البيت على العشا
شهد:بمناسبة ايه يا ترى؟
معتصم:انا كلمتهم عنك وهما نفسهم يشوفوكي
شهد:طب مش المفروض اننا نتقابل برده احسن
معتصم:اصل بابا تعبان ومش بيخرج كتير
شهد:طيب العشا الساعه كام؟
معتصم:الساعه 8 هعدي عليكي
شهد:اوكيه
و روحت شهد البيت وحكت لاحلام عن موضوع العزومه واحلام استغربت موضوع العزومه بس مرضيتش تقلق شهد عشان شافتها فرحانه فقالتلها روحي بس خلي بالك اخته مش سهله ابدا ففضلت شهد قلقانه من موضوع اخته وخافت انها تضايقها بالكلام وشهد مبتعرفش ترد على اي حد بيضايقها...................
الساعه 8 اتصل معتصم بشهد وقالها انه وصل تحت العماره ونزلت شهد وكانت لابسه فستان اصفر كات وطويل وعليه صاندال ابيض وشنطه بيضا وكانت فارده شعرها وحاطه ميك اب رقيق واول ما ركبت العربيه معتصم قالها:
معتصم:زي القمر يا شهد
شهد:متشكره,ممكن تكلمني شويه عن باباك واختك
معتصم:بابا يا ستي راجل ابتدى من الصفر وكون الشركه ده واول ما انا كبرت ارتاح هو وانا مسكتها اما بقى فيروز اختي فهي خريجة الجامعه الامريكيه ودلوعة العيله و بحبها جدا جدا.
شهد:ربنا يخليكوا لبعض
وبعد نص ساعه لقيت شهد معتصم وقف بالعربيه ادام فيلا جميله جدا وركن ونزل فتحلها الباب ونزلت شهد وكان قلبها بيدق اوي............
وقف معتصم وشهد عند الباب وقبل ما يرنوا الجرس الباب اتفتح ووقفت بنت زي القمر تبص لشهد من فوق لتحت فمعتصم قال:
معتصم:اقدملك فيروز اختي , اقدملك شهد يا فيروز فتاة احلامي
شهد:تشرفنا
فيروز:اهلا بيكي اتفضلوا ادخلوا
دخلوا كلهم على الصالون وقعدوا يتكلموا عن الدراسه وبعد شويه جه والد معتصم وسلم بطريقه كويسه جدا على شهد وقال:
والد معتصم:ايه الجمال ده كله
معتصم:بابا ده هتكون خطيبتي انا مش عايز شقاوه
والد معتصم:يا خساره لو كنت قابلتك من اربعين سنه
شهد:حضرتك لسه شباب يا انكل
فيروز :يعني ممكن تتجوزي واحد في سن بابا؟؟؟؟؟؟؟؟؟؟؟
شهد:لو هيكون وسيم كده زي انكل موافقه طبعا (بس حست ان فيروز ابتدت تضايقها)
فيروز:ههههههههه دمك خفيف موت
وقعدوا يتكلموا وبعد شويه جت الشغاله تقولهم ان العشا جاهز وراحوا كلهم يقعدوا على السفره وقعد معتصم جنب شهد وابتدوا ياكلوا الشوربه وبعدين الطبق الرئيسي وبعد كده نزل الحلو وكان تشيز كيك وبعد كده راحوا كلهم قعدوا في الجنينه بتاعت الفيلا وكانت كلها اضاءه في الارض شكلها جميل والجو رومانسي جدا
وابتدت فيروز تتكلم مع شهد:
فيروز:انت ساكنه فين؟
شهد:انا عايشه مع خالتي في المهندسين
فيروز:امال فين باباكي ومامتك؟
شهد:اتوفوا
فيروز:ومعندكيش قرايب خالص؟
شهد:لا عندي اخ اسمه هشام مهندس
فيروز:وليه مش عايشه معاه؟
شهد:اصل خالتي وحيده وطلبت اني اعيش معاها
فيروز:عندك عربيه نوعها ايه؟
شهد:للاسف لسه مشترتش عربيه
فيروز:اما بتتحركي ازاي؟
شهد:بالتاكسيات
فيروز:انتي بتحبي معتصم؟
شهد:لسه مش متأكده
فيروز:طب هو بيحبك؟
شهد:هو قالي كده
فيروز:طب خلي بالك عشان معتصم كل كام يوم بيقول لواحده انه بيحبها
وقامت وسابت شهد لوحدها تفكر في كلامها وجه معتصم يقعد معاها وقالها:
معتصم:ها اتصاحبتي انت وفيروز؟
شهد:اه دي لطيفه اوي
معتصم:وايه رأيك في بابا؟
شهد:حنين اوي ربنا يخليهولك
معتصم:قررت مشاعرك ايه من ناحيتي ولا لسه؟
شهد بصتله وهي خايفه من كلام فيروز وحست انها محتاجه تقعد لوحدها ففضلت ساكته مش عارفه تقول ايه ومعتصم افتكرها مش بتحبه فزعل جدا وسكت
وشهد طلبت منه يوصلها البيت وسلمت على باباه واخته وطول الطريق متكلموش ولا كلمه وعند العماره قالتله:
شهد:متشكره على السهره الحلوه ده
معتصم:تصبحي على خير يا شهد
وساق العربيه بسرعه ووفضلت شهد تبص عليه لغاية ما بعد عن عينيها ولقيت دموعها بتنزل بس معرفتش هي بتعيط ليه؟؟؟؟؟؟؟؟؟؟؟؟؟؟؟؟؟


يا ترى ايه اللي هيحصل ؟؟؟؟؟؟

 





السكرتيرة الحسناء

 

 

الحلقة العاشرة

 

 

بصت شهد لمعتصم وهي مكسوفه وحاسه انها خايفه من اعترافه بحبه ليها عشان مش متاكده من حبه ليها لانهم بقالهم مده قصيره يعرفوا بعض فقالت:
شهد:انا اتعلقت بيك التره اللي فاتت وبفكر فيك كتير وببقى فرحانه لما اكون معاك بس خايفه تكون انت معجب بيه بس مش بتحبني
معتصم:لا يا شهد انا متأكد من مشاعري ناحيتك بس واضح انك انت اللي مش متاكده من مشاعرك لسه , بس انا عايزك تسمحي اننا نقرب من بعض ويوم ما تقوليلي انك بتحبيني هيكون اسعد يوم في حياتي.......................
شهد:طيب تصبح على خير
معتصم:احلمي بيه
شهد ضحكت وقالت:انا مش بحلم,تصبح على خير
دخلت شهد عشان تنام وفضل معتصم واقف في البلكونه يفكر ازاي يخلي شهد تحبه.............................
شهد غيرت هدومها ونامت عالسرير وهي بتفكر في كلام معتصم وفضلت تفكر معقول يكون حبها بجد؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تاني يوم صحيت شهد بدري ولبست جيببه لونها احمر واسعه وقصيره وعليها بلوزه بيضا مرسوم عليها قلب احمروفردت شعرها ونزلت تحت لقيت مدام احلام قاعده بتشرب قهوتها:
شهد:صباح الخير يا طنط
احلام:صباح الخير يا حبيبتي ,ايه اللي صحاكي بدري؟
شهد:عادي
احلام:اخبار معتصم ايه؟
شهد وشها احمر وقالت:كويس
احلام:ها حليتوا المشاكل اللي بينكوا ؟
شهد:بنحاول نفهم بعض لسه
احلام:بصي يا شهد معتصم انسان محترم واخلاقه ممتازه انا اعرفه من ساعة ما كان بيتدرب في الشركه وكان دايما قد المسؤوليه
شهد:بس انا خايفه من مشاعري ناحيته
احلام:خدي وقتك وفكري براحتك والقرار في الآخر ليكي لوحدك
سرحت شهد وقعدت تفكر في كلام احلام وهي سرحانه لقيت في حد قعد جنبها لقيت معتصم جه ولابس شورت اسود وتيشيرت ابيض وكوتشي ابيض وقالهم:
معتصم:صباح الخير
احلام:صباح الخير
شهد:صباح الخير
معتصم:تحبي نعملي ايه انهارده يا شهد عقبال معاد المعرض بالليل؟
شهد:مش عارفه
معتصم:ايه رأيك نركب بيتش باجي ؟
شهد :اوكيه
واستأذنوا من احللام انهم بعد الفطار هيروحوا يركبوا بيتش باجي واحلام وافقت وبعد الفطار راحوا وكل واحد فيهم لبس النظاره الشمس عشان الرمله وابتدى معتصم يقول لشهد انها تمشي براحه عشان ده اول مره ليها وفضل ماشي جنبها واول ما شهد حست انها اتعلمت ساقت بسرعه ومعتصم خاف عليها اوي ووقف وخلاها تقف وقالها وهو متعصب:
معتصم:ايه يا شهد بتسوقي بسرعه ليه كده ممكن تقعي
شهد:ماتخافش عليه انا اتعلمت خلاص
معتصم:معلش يا شهد خلي بالك
شهد:حاضر بس متكشرش كده
معتصم:انا بخاف عليكي اوي
شهد:طب ما انا عارفه (وقعدوا يضحكوا وكملوا سواقه...........)
وبالليل جه معاد المعرض ولبست شهد بدله سودا جاكتها قصير وتحتها قميص احمر ساتان وفردت شعرها وحطت ميك اب خفيف ونزلت لقيت معتصم مستنيها ولابس بدله سودا وقميص ابيض وكرافت سودا وفيها خطوط بيضا واول ما وصلت عنده مسك ايديها وباسها ودخلوا بعض للمعرض وابتدوا يشتغلوا وكان كل ما يبعدوا عن بعض يفضلوا يبصوا لبعض وعدى الاسبوع ورجعوا القاهره وابتدت مرحله جديده في علاقة معتصم وشهد............................




السكرتيرة الحسناء

 

 

الحلقة التاسعة

 

 

بعد ساعه نزلت شهد تقابل معتصم عند البيسين وكانت لابسه جينز ازرق ضيق وعليه بادي بينك حمالات وسابو بينك عالي وكانت فارده شعرها ولقيت معصم مستنيها ولابس شورت كاروهات احمر في بيج وعليه تيشيرت بيج وشوز بني واول ماشافها وقف وقالها:
معتصم:وحشتيني
شهد:لحقت اوحشك
معتصم:هتصدقيني لو قلتلك بتوحشيني وانتي معايا
شهد:انت بتبالغ اوي
معتصم:بكره الايام هتثبتلك كل حاجه
وراحوا يتمشوا ومسكوا ايد بعض و معتصم قالها انهم هيروحوا كافيه عالبحر جميل جدا ووصلوا هناك وقعدوا على ترابيزه وطلبوا عصير اناناس وقعد معتصم يحكي لشهد عن حياته وازاي اتعلم من باباه ادارة الشركه وحكلها عن اخته اللي اصغر منه وقد ايه بيحبها وشهد كمان حكيتله عن حياتها قبل ما تقابله وازاي كانت متفوقه في دراستها وفضلوا يتكلموا كتير بس وهما قاعدين جت واحده خبت عينين معتصم من ورا وفضلت تقوله:
البنت:حزر فزر انا مين؟
معتصم:مش عارف بجد انتي مين؟
البنت:اخص عليك نسيت صوتي
معتصم:بجد مش عارف
البنت شالت ايديها وحضنت معتصم جامد وشهد حست انها هتموت من الغيظ فقامت وسابتهم ومشيت وبعد شويه وهي ماشيه لقيت معتصم جاي وراها وبيقولها:
معتصم:ايه يا شهد قومتي ليه؟
شهد:عشان اسيبك تفتكر براحتك
معتصم:مش معقول كده يا شهد قبل ما تزعلي مني لازم تسمعيني
شهد:اسمع ايه؟ كفايه اللي شوفته
معتصم:لا انت التفاهم معاكي صعب
شهد:انا التفاهم معايا صعب ولا انت اللي كل شويه الاقيك مع واحده شكل
معتصم:تقصدي ايه؟
شهد:انت فاهم قصدي كويس
معتصم:انتي بتجكمي عليه من غير ما تسمعيني
شهد:بص يا معتصم انا حاسه انك ليك علاقات كتير
معتصم:انا؟؟؟؟؟؟؟؟؟؟
شهد:كل اللي شفته بيأكدلي الكلام ده
معتصم:يا شهد ده مجرد واحده صاحبت اختي
شهد:وصاحبة اختك بتحضنك ليه؟
معتصم:هي من عيله متحرره وكانت عايشه بره مصر
شهد:يعني لو واحد جه حضني وانا قاعده معاك مش هتضايق؟
معتصم:اكيد هضايق بس هسمعك الاول وبعدين احكم
شهد:من فضلك رجعني القريه انا عايزه انام
معتصم:اتفضلي اوصلك
و ركبوا العربيه ومحدش اتكلم ولا كلمه واول ما وصلوا القريه نزلت شهد وطلعت اوضتها وقعدت تعيط وحست انها بتغير على معتصم ومعنى كده انها بتحبه وده اكتر حاجه خلتها تعيط جامد عشان لسه مش عارفه تفهمه كويس ولا تتأكد من مشاعره ناحيتها........................................... ....
معتصم فضل قاعد في الكافيتريا وطلب قهوه وبعد شويه جت احلام وقعدت معاه وسألته:
احلام:مالك يا معتصم؟
معتصم:لا مفيش حاجه
احلام:هتخبي عليه ده انا اعرفك من وانت طالب في الجامعه
معتصم:شهد يا مدام احلام
احلام:مالها زعلتك؟
معتصم:مش عارفين نتفاهم خالص وكل شويه حد فينا يزعل التاني
احلام:طب ما ده طبيعي عشان انتوا لسه بتتعرفوا على بعض
معتصم :بس هي بتشك فيه
احلام:شك ولاغيره؟
معتصم:مش عارف
احلام:لو غيره تبقى بتحبك ,اما لو شك يبقى مفيش ثقه
معتصم:انا حاولت اديها وقت تعرفني اكتر بس مقدرتش ابعد عنها
احلام:بص يا معتصم شهد لسه صغيره ومررتش بأي تجارب قبل كده فلازم تصبر عليها
معتصم:متشكر اوي يا مدام احلام انك فاهماني
احلام:انا لو كنت معرفكش كويس كان لايمكن اخليك تقرب من شهد ده بنتي اللي مخلفتهاش
معتصم:انا فعلا حاسس انها متعلقه بيكي اوي
احلام:ده شهد اغلى انسانه في حياتي
معتصم:وانا هحطها فعينيه
احلام:انا متأكده من كده
وبالليل شهد وقفت في بلكونة اوضتها وكانت لابسه شورت جينز قصير وتيشيرت قصير احمر فحست ان فيه حد بيبص عليها لقيت معتصم واقف يبصلها وكان لابس شورت ازرق وتيشيرت اصفر وقالها:
معتصم:ها هديتي شويه؟
شهد:انا مكنتش متعصبه عشان اهدى
معتصم:طب ممكن تسمعيني
شهد:اتفضل
معتصم:انا بحبك يا شهد
شهد:ايه؟
معتصم:بحبك انت الانسانه اللي مستني اقابلها طول عمري
شهد وشها احمر ومعرفتش ترد عليه
معتصم:يا ترى ايه شعورك من ناحيتي؟؟؟؟؟؟؟؟؟؟؟؟؟


يا ترى شهد هترد عليه تقوله ايه؟


السكرتيرة الحسناء

 

 

الحلقة الثامنة

 

 

تاني يوم الصبح نزلت شهد عشان تفطر وكانت لابسه فستان جينز كحلي قصير نص كم وعليه صاندال ابيض ونظاره شمس بيضا وكانت لامه شعرها ديل حصان لفوق وقابلت احلام وقعدت معاها يقروا الجرايد وبتبص لقيت معتصم جه وكان لابس شورت بيج وعليه قميص نص كم لونه اخضر وفيه ورود بيج وابيض ولابس كوتشي ابيض واول ما وصل عندهم عملت شهد نفسها مش واخده بالها:
معتصم:صباح الخير يا مدام احلام
احلام :صباح الخير يا معتصم
معتصم:صباح الخير يا شهد
شهد بكل تقل :صباح النور ( وكملت قراية الجرنال )
فقعد معتصم جنبها وقالها بصوت واطي:انت مخاصماني؟
شهد:لا طبعا ده حضرتك مديري
معتصم:مديرك؟
شهد:مش حضرتك مديري برده؟
معتصم:انتي بتكلميني كده ليه؟
شهد:مش انت عايز كده خلاص انا هعاملك زي ما انت عايز (وقامت عشان تتمشى فمعتصم قام وراها واحلام قعدت تضحك عليهم)
معتصم:استني يا شهد
شهد:افندم اي خدمه
معتصم:ارجوكي حاولي تفهميني
شهد:فهمني انت وانا هفهم
معتصم:يا شهد انا بتشدلك بطريقه عمرها ما حصلت معايا قبل كده
شهد:وعشان كده بتعاملني كده ؟
معتصم:يا شهد انا اكبر منك بكتير
شهد:والله انا مش حاسه انك عجوز
معتصم:يا شهد انت سه معندكيش اي تجارب
شهد:تقصد ايه؟
معتصم:انا خايف اظلمك لو اتقربتلك واتعلقتي بيه وفي الآخر طلعت مش الشخص المناسب ليكي
شهد:من فضلك متاخدش قرارات بالنيابه عني
معتصم:يعني انت حاسه بحاجه من ناحيتي؟
شهد:انا متلخبطه واسلوبك مخليني مش بعرف افكر كويس
معتصم:انا آسف ,.تسمحي نبدأ جديد
شهد:اوكيه
معتصم:انا اسمي معتصم
شهدوهي بتضحك:وانا شهد سكرتيرة سيادتك
معتصم:طيب يلا يا سكرتيرتي عشان نفطر وبعد كده اعلمك الغوص
شهد :بجد ؟ انت بتعرف؟
معتصم:ده انا هخليكي تشوفي حاجات عمرك ما تتخيلي انها موجوده في الدنيا
شهد:طب يلا بينا
ورجعوا تاني لاحلام وقعدوا فطروا سوا وبعدين استأذنوا عشان يروحوا يغوصوا واحلام قالتلهم يخلو بالهم من بعض وبصت عليهم وهما بيبعدوا وحست ان فيه قصة حب جديده بتتولد هنا في شــــــــــــــــــــــــــــــــــر م الشيـــــــــــــــــــــــــــــــــخ............ ........................
راح معتصم وشهد مركز الغطس في القريه ولبسوا بدل الغطس وركبوا مركب ودخلوا جوه في البحر وهناك قال معتصم:
معتصم:بصي يا شهد في الاول هننزل عمق بسيط عشان ده اول مره ليكي وخليكي جنبي
شهد:اوكيه
ولبسها ادوات الغطس وهوه لبس ونزل معتصم ووراه شهد وتحت الميه مسك معتصم ايديها وابتدوا ينزلوا براحه وحست شهد انها في دنيا تانيه وشافت الوان الشعب المرجانيه قد ايه جميله ومجموعات السمك الملون اللي بتعدي جنبها وبعد شويه شاورلها معتصم عشان يطلعوا وطلعوا مع بعض وشالوا النظارات وسألها :
معتصم:ها ايه رأيك؟
شهد:انا مش مصدقه ان بلدنا فيها جمال بالشكل ده
معتصم:بلدنا فيها شواطئ تعتبر من اجمل الشواطئ في الدنيا وخصوصا شرم الشيخ تعرفي انا بكره هاخدك ونروح نركب القارب الزجاجي بجد تحفه تلاقي البحر كله تحتك بالوانه واسماكه شئ رائع.
شهد:احنا مش هنغطس تاني
معتصم:كفايه كده انهارده وبكره هنكمل
وطلع معتصم المركب وساعد شهد ورجعوا تاني القريه واتفقوا يغيروا هدومهم ويتقابلوا بعد ساعه وفعلا طلعت شهد اوضتها وهي طايره من السعاده وحست انها بتتعلق بمعتصم كل يوم زياده.........................
معتصم دخل اوضته وهو فرحان ان هو خد قرار واتقرب من شهد وقرر يسيب الايام هي اللي تقول قراره كان صح ولا غلط.....................



السكرتيرة الحسناء

 

 

الحلقة السابعة

 

 

وبعد الغدا قعدوا شهد واحلام ومعتصم يتكلموا وشربوا قهوه وبعد كده استأذنت احلام عشان تطلع تنام وفضلت شهد ومعتصم قاعدين فقالها:
معتصم:تحبي تعملي ايه دلوقت؟
شهد:مش عارفه
معتصم:طيب قومي معايا هوديكي مكان يجنن
وقامت معها وركبوا العربيه ووقفوا ادام مكان عالبحر فيه باند غربي بيعزف والاجانب قاعدين يرقصوا وكلهم مبسوطين وقعد معتصم وشهد على الارض وفضل معتصم باصصلها وهي اتكسفت وقالت:
شهد:بتبصلي ليه؟
معتصم:تعرفي انك اجمل بنت شوفتها في حياتي
شهد:ياااااااه للدرجه ده؟
معتصم:واكتر يا شهد تعرفي ايه اكتر حاجه شدتني ليكي ايه؟
شهد:ايه؟
معتصم:ضحكة عينيكي
شهد:ليه؟
معتصم:فيها لمعه غريبه بتخليني احب ابصلها
شهد سكتت وبصت في الارض ومعتصم رفع راسها بايده وقالها:
معتصم:بتفكري في ايه؟
شهد:ولا حاجه
معتصم:لا بجد
شهد:انت الفتره الي فاتت كنت بتعاملني بطريقه غريبه؟
معتصم:بصي يا شهد انا كنت خايف اتعلق بيكي اكتر من كده
شهد:وبعدين؟
معتصم:وبعدين اتلقت بيكي اكتر من كده بكتيييييييييييييير
شهد ضحكت ووشها احمر:
معتصم:انتي بريئه اوي
شهد:انا كبيره على فكره
معتصم:يااااااااااه يا شهد مش عارف اعمل فيكي ايه؟
شهد:هههههه هتعمل ايه يعني؟
معتصم:قومي عشان نرقص
وقاموا رقصوا على الرمله وكانت الاغاني سريعه لكن بعد شويه الاغنيه بقت سلو فقرب معتصم من شهد ولف دراعه حواليها وابتدوا يرقصوا وشهد كانت مكسوفه جدا ووشها احمر اوي وبعد كده معتصم قالها يلا بينا نرجع القريه فشهد استغربت ومشيت معاه وطول الطريق فضل معتصم ساكت وشهد مبقتش فاهمه تصرفاته وحست انه كل شويه بيتغير بطريقه غريبه فزعلت وفضلت ساكته واول ما وصلوا القريه نزلت وجريت على اوضتها ومعتصم حس انها زعلت عشان مشيوا فجأه بس غصب عنه مقدرش يتحكم في نفسه وخاف عليها من نفسه وخاف يقول كلام مش متاكد منه وفضل قاعد تحت عند البيسين لغاية الصبح اما شهد فضلت واقفه في بلكونة اوضتها تفكر ازاي تتعامل مع معتصم بعد اللي حصل بينهم وقررت انها مش هتتعامل معاه غير في الشغل بس.................



السكرتيرة الحسناء

 

 

الحلقة السادسة

 

 

 

تاني يوم الصبح وصلت شهد الشركه في معادها وفضلت تخلص اوراق مهمه وبعد ساعه جه معتصم ودخل مكتبه علطول ودخلت شهد تقدمله مواعيد انهارده فقال:
معتصم:شكرا يا شهد,من فضلك مش عايز ازعاج انهارده
شهد:حاضر,عن اذن حضرتك
وخرجت شهد وهي حاسه ان معتصم متغير معاها وفضلت طول اليوم تفكر ايه اللي عملته عشان يعاملها كده؟؟؟؟؟؟؟؟؟؟؟؟؟؟؟
آخر اليوم دخلت شهد عشان تقوله انها هتمشي ولو كان محتاجها في شغل تفضل قاعده فقال:
معتصم:لا اتفضلي انت وهو باصص في اللاب توب بتاعه
ومشيت شهد وهي مدايقه جدا وحاسه انها مش مرتاحه وروحت عالبيت علطول ودخلت اوضتها عشان تنام.....................
بعد ما شهد خرجت من مكتب معتصم ومشيت راح معتصم بص عالباب وهو زعلان عشان عاملها وحش بس لازم يعمل كده عشان شهد بتشتغل عنده وكمان هي صغيره في السن ومعندهاش تجارب فلازم يعاملها في حدود الشغل بس حس انه مش هيقدر يعاملها كده علطول.................
وفضل الوضع بين معتصم وشهد كده لمدة اسبوع وبعد اسبوع بالضبط رجعت شهد البيت لقيت احلام بتحضر شنطة سفر فسألتها:
شهد:خير يا طنط حضرتك مسافره؟
احلام:لا يا حبيبتي احنا مسافرين
شهد:مسافرين فين؟
احلام:هنسافر شرم الشيخ اسبوع
شهد:طب والشغل؟
احلام:ما هو سفر عشان الشغل عشان نسوق للقريه الجديده وهنعمل معرض كبير
شهد:طب حضرتك ده شغلك وانا هسافر ليه؟
احلام:عشان انت سكرتيرة معتصم ومعتصم هو اللي بلغني انك تسافري معايا
شهد:وهو هيكون هناك؟
احلام :طبعا , يلا حضري شنطتك عشان هنسافر الصبح بدري
شهد:حاضر
وراحت شهد اوضتها وابتدت تختار الهدوم اللي هتاخدها معاها وحست انها فرحانه عشان هتشوف معتصم بره الشركه ويمكن تعرف سبب معاملته الغريبه معاها

وتاني يوم وصلت شهد واحلام المطار احلامم كانت لابسه بدله بني وتحتها قميص زيتي وشهد لبست جينز اسود وقميص قصير اسود وفيه خطوط فضي وكانت فارده شعرها ولابسه نظارهى شمس كبيره سودا وهناك قابلوا معتصم اللي سلم عليهم وفضل طول الرحله يتكلم مع احلام وشهد كانت متغاظه وعماله تقرا في مجله عشان محدش يحس انها مدايقه من حاجه ووصلوا مطار شرم الشيخ وهناك خدتهم عربيه للقريه وكل واحد خد مفتاح اوضته واتفقوا يتقابلوا كمان ساعه عشان يتغدوا سوا ودخلت شهد اوضتها لقيتها جميله جدا وبتبص عالبحر ودخلت البلكونه وكانت فرحانه وعماله تدور فلقيت حد بيضحك بتبص لقيت معتصم في الاوضه اللي جنبها فاتكسفت:
معتصم:عجبتك الاوضه؟
شهد:اه جميله اوي
معتصم:ده اول مره تيجي شرم؟
شهد:اه اول مره
معتصم:وايه رأيك؟
شهد:اجمل مكان شوفته في حياتي
معتصم:طب اعملي حسابك بالليل هفرجك على اجمل اماكن هنا
شهد:بجد؟
معتصم:طبعا لازم تتعرفي على المكان عشان تعرفي تساعديني في المعرض
شهد:اوكيه
ودخلت شهد عشان تستعد للغدا فلبست فستان طويل ابيض كات وعليه صاندال فضي وعقد طويل فضي وفردت شعرها وحطت البيرفيوم بتاعها ونزلت
لقيت احلام واقفه بتتكلم في التليفون فقررت تتمشى لوحدها لغاية ما احلام تخلص تليفون وفضلت تتفرج على المكان وعجبها جدا تقسيم القريه والخدمات اللي بتقدمها ومن بعيد لقيت معتصم واقف مع بنت جميله اوي ولابسه جيبه قصيره وبادي ضيق فحست شهد انها ادايقت فقررت تبعد لكن معتصم شافها فنادى عليها
معتصم:شهد
شهد:مساء الخير
معتصم:اقدملك شهد السكرتيره بتاعتي , ده مايا مديرة العلاقات العامه في اكبر شركه تسويق عقاري منافسه لينا
شهد:اهلا وسهلا
مايا:هاي
وفضل الكلام عادي عن الشغل والقريه بس شهد حست ان مايا كل شويه تحط ايديها على معتصم بطريقه غريبه فاستغربت شهد من تصرفاتها بس عملت نفسها عادي عشان محدش ياخد باله انها ادايقت بس معتصم خد باله واستأذن من مايا وخد شهد على جنب وسألها:
معتصم:مالك يا شهد؟
شهد:لا ابدا مفيش حاجه
معتصم:في حاجه دايقتك؟
شهد:وايه يعني اللي ممكن يدايقني؟
معتصم:مش عارف
شهد:صدقني مفيش حاجه خالص
معتصم:طيب يلا بينا نتغدى مع احلام
شهد:اوكيه


ايه اللي هيحصل بالليل ؟؟؟؟؟؟؟؟؟


السكرتيرة الحسناء

 

 

الحلقة الخامسة

 

 

نزلت شهد لقيت معتصم مستنيها جنب العربيه وبيتكلم في الموبايل واول ما شافها بطل كلام وفضل باصصلها وهي اتكسفت فقالها:
معتصم:ممكن اتعرف عليكي؟؟؟؟؟؟؟
شهد:طبعا طبعا
وقعدوا يضحكوا وفتحلها باب العربيه وساق معتصم بس متكلمش طول الطريق وشهد كانت حاسه انه اتغير فجأه حست انها مدايقه وبعد شويه شغل معتصم اغنيه لعبد الحليم حافظ (كفايه نورك عليه)
معتصم:ساكته ليه؟
شهد:لا ابدا بس حضرتك مش بتتكلم فقلت يمكن مشغول
معتصم بصلها وقال:ايوه انا فعلا بفكر في موضوع مهم
شهد:هو احنا هنقابل مين؟
معتصم:غالبا اربع رجال اعمال ومساعدينهم والسكرتاريه بتاعتهم
شهد:ممكن اعرف المطلوب مني بالضبط؟
معتصم:المطلوب منك يا ستي تكتبي كل اللي بيتقال وتاخدي بالك من الملاحظات المهمه
شهد:حاضر
معتصم بصلها وضحك فسألته:
شهد:بتضحك ليه؟
معتصم:اصل شكلك جميل وانتي جد اوي كده
شهد:انا مش جد انا عاديه جدا
معتصم:طيب يلا عشان قربنا نوصل
وقف معتصم ادام فندق هيلتون وساب مفتاح العربيه عشان يركنوها ودخل لفندق هوه وشهد لقيوا رابيزه كبيره عليها مجموعة رجاله وستات واول حاجه لاحظتها شهد ان كل الستات اكبر منها وحاطين ميك اب زياده وفساتين عريانه اوي وقعدت جنب معتصم ومن الناحيه التانيه كان جنبها راجل عرفها بنفسه انه ابن صاحب شركه كبيره واسمه رامي واتعرف على شهد ولما شهد بصت لمعتصم لقيته بيتكلم مع واحده قاعده جنبه بس مقربه منه اوي ولابسه فستان احمر ضيق جدا وشعرها اسود وطويل وناعم وعماله تكلمه في ودنه ومعتصم عمال يضحك وبعد شويه اتقدم العشا وكان الاكل حلو جدا وبعد كده راحوا كلهم لقاعة الاجتماعات وشربوا القهوه وبعد كده بدأوا شغل وكانت شهد قاعده جنب معتصم وبتكتب كل اللي بقوله بسرعه وعرفت انه شخصيته قويه جدا وكلهم بيعملوله حساب بالرغم من انه اصغر واحد فيهم وبعد ما خلص الاجتماع قرروا يسهروا في النايت كلوب وتحت حست شهد انها مخنوقه اوي وعايزه تروح ولسه هتستأذن من معتصم عشان تمشي لقيت رامي قرب منها وقالها:
رامي:تسمحيلي بالرقصه ده؟
شهد:متأسفه جدا اصلي عندي صداع
رامي:طب تعالي معايا وانا هخليكي تخفي ومسكها من دراعها وشهد كانت هتعيط مش عارفه تتصرف ازاي لكن فجأه لقيت معتصم لف دراعه حواليها وقال لرامي:
معتصم:معلش يا رامي بيه احنا مضطرين نمشي
رامي:اتفضل ,فرصه سعيده يا شهد
شهد مشيت مع معتصم وهي الدموع ماليه عينيها وفي العربيه عدت تعيط فمعتصم قالها:
معتصم:انا آسف
شهد:انت بتعتذر ليه؟
معتصم:عشان جيتي معايا واتعرضتي لسخافة رامي
شهد:حصل خير
معتصم:يعني مسامحاني
شهد:خلاص مفيش حاجه
معتصم:طب يلا اضحكي وخلي عينيكي تلمع
شهد:عينيه تلمع؟؟
معتصم:آه ما انت لما بتضحكي من قلبك عينيكي بتلمع
شهد:يا سلام
معتصم:بجد والله
وقعدت شهد تضحك وراح معتصم اداها منديل تمسح بيه دموعها ووصلها تحت البيت وفضل واقف لغاية ما ركبت الاسانسير وهو حاسس انها بريئه اوي.........
وصلت شهد الشقه لقيت احلام مستنياها وسألتها ايه الاخبار وحكتلها شهد كل اللي حصل ودخلت عشان تنام بس احلام حست انها قلقانه على شهد من جو الشغل ده وفي نفس الوقت اطمنت ان معتصم معاها وهيخلي باله منها , شهد غيرت هدومها ولبست قميص نوم قصر نص كم مرسوم عليه ميكي ماوس ونامت وهي فرحانه اوي,معتصم فضل واقف في البلكونه ومش جايله نوم ولقي نفسه بيفكر في شهد بس قرر انه هيتعامل معاها بعد كده على انها السكرتيره بتاعته وبس عشان هو مش بيحب يخلط بين الشغل والعلاقات الشخصيه.

يا ترى معتصم هياعملها ازاي ؟ وشهد هتتصرف ازاي؟




السكرتيرة الحسناء

 

 

الحلقة الرابعة

 

 

تاني يوم الصبح وصلت شهد الشغل وكانت لابسه بنطالون قماش زيتي وعليه قميص قصير لونه بيج فاتح وصاندال بيج عالي وطبع شعرها مفرود ودخلت مكتبها واول ما جت تقعد سمعت صوت في مكتب معتصم فاتخضت جدا وراحت تشوف في ايه لقيت معتصم خارج من الحمام وبينشف شعره بالفوطه ولابس شورت اسود وتيشيرت ابيض فقالها:
معتصم:صباح الخير يا شهد
شهد:صباح الخير حضرتك جيت بدري؟
معتصم:انا مروحتش اصلا انا نمت هنا
شهد:ليه؟
معتصم:كان عندي شغل كتير عشان عندنا اجتماع مهم انهارده بالليل
شهد:عندنا؟
معتصم:ايه يا شهد انا وانت مش انت سكرتيرتي ولا ايه؟
شهد:ايوه طبعا
معتصم :طب يلا اتفضلي اعمليلنا اتنين نيسكافيه عشان نشربهم وبعد كده تخلصي معايا الاوراق اللي هنحتاجها بالليل
وابتدت شهد تشتغل مع معتصم وتحضرله الاوراق اللي طلبها وكتبت حاجات كتير على الكومبيوتر وكمان طلب منها تحضر دفتر للملاحظات عشان تسجل اللي هيقوله اول باول..........................................
الساعه 6 المغرب طلب منها معتصم انها تحضر نفسها عشان هيوصلها البيت في طريقه وهيعدي عليها بعد ساعتين تكون لبست عشان الاجتماع واول ما ركبت جنبه العربيه شغل اغاني قديمه لمحمد فوزي وفايزه احمد وشهد استغربت ذوقه في الاغاني فسألها:
معتصم:ايه مش عاجباكي الاغاني؟
شهد:ازاي ده جميله اوي وماما الله يرحمها كانت بتحب محمد فوزي اوي
معتصم:هي مامتك اتوفت امتى؟
شهد:من 5شهور
معتصم:الله يرحمها
شهد سرحت وافتكرت مامتها وحنيتها عليها وافتكرت اللي حصلها في بيت اخوها بس حمدت ربنا ان طنط احلام انقذتها من كل ده..............
معتصم:سرحتي في ايه؟
شهد:لا ابدا ,هو انا المفروض البس ايه؟
معتصم:بصي يا ستي ده اسمه عشاء عمل يعني تلبسي فستان سواريه بس مخك وتصرفاتك تكون سكرتيره
شهد:سواريه؟
معتصم:ايه معندكيش؟
شهد:انا هروح اشتري فستان بعد ما حضرتك توصلني البيت
معتصم:وليه التأخير يلا بينا
شهد:يلا بينا على فين؟
معتصم:ايه يا شهد؟ هوديكي المحل اللي بتتعامل معاه اختي فيروز وهنشتريلك فستان
شهد:بس كده هعطل حضرتك
معتصم:لا انا عايزك انهارده تكوني اشيك واحده عشان انت بتمثلي الشركه بتاعتنا ولا ايه؟
شهد:طيب (وفكرت شهد انها معهاش فلوس تكفي تمن الفستان بس فكرت انها هتطلب طنط احلام تيجي تدفع بس كانت مكسوفه جدا )
وقف معتصم ادام محل فساتين سواريه في المهندسين ودخل مع شهد وهناك قامت صاحبة المحل ترحب بيه:
صاحبة المحل:اهلا اهلا معتصم بيه
معتصم:ازيك يا مدام زيزي
زيزي:نورت المحل
معتصم:منور باصحابه
زيزي:طلبات حضرتك ايه؟
معتصم :عايز اشيك فستان عندك لشهد
زيزي:خطيبة حضرتك؟
معتصم:لا سكرتيرتي الجديده وده اول اجتماع ليها معايا
زيزي:اتفضلي معايا
ودخلت شهد البروفه مع زيزي ونقت زيزي 5 فساتين احمر قصير وضيق,اخضر كات ونازل على واسع,دهبي ضيق من عند الصدر ونازل بليسيه واسع,اسود طويل وضيق,وبينك فاتح حمالات وقصير ونازل على واسع
فضلت شهد كل ما تلبس واحد تخرج تفرجه لمعتصم ويقوله البسي واحد غيره لغاية ماتعبت خالص وحست انه بيدقق في كل حاجه بزيادهوفي الآخر قالها:
معتصم:كلهم مش لايقين عليكي
وقام معتصم لف في المحل ورجع ماسك فستان لونه عسلي لون عينيها ومفتوح من عند الصدروبكم ونازل على ضيق وليه فتحه من الجنب وعليه تطريز بخيوط دهبي وقالها:
معتصم:ممكن تقيسي ده؟
زيزي:ذوقك هايل يا معتصم بيه
معتصم:خبره من ست فيروز اللي كل يوم والتاني بتلففني كل المحلات
وخرجت شهد لابسه الفستان وكان شكله جميل جدا واول ما معتصم شافها حس انه بيشوفها لاول مره الفستان كان لايق عليها ومخليها كأنها اميره ماشيه على الارض وكمان عينيها بقت بتلمع زي الفستان وشعرها الكيرلي الطويل والنمش اللي في وشها خلوها حلوه اوي فسألته شهد:
شهد:ها عجبك؟
معتصم:عجبني اوي (وكح عشان صوته يخرج طبيعي )
معتصم:من فضلك يا مدام زيزي هاتي شنطه وشوز للفستان
زيزي:جاهزين يا معتصم بيه
وحضرت زيزي الفستان وحاجاته وحطتهم في علبه كبيره والشغاله حطتهم في العربيه وخرج معتصم وشهد من المحل بس شهد قالت:
شهد:انا لسه مدفعتش
معتصم:مدفعتيش ايه؟
شهد:تمن الفستان
معتصم:بصي يا شهد اي سكرتيره بيكون ليها بدل لبس وده على حساب الشركه
شهد:بس ده كتير اوي
معتصم:انتي سكرتيرة معتصم المسيري
وسكتت شهد لحد ما وصلت تحت عمارة احلام واتفق معاها معتصم انه هيعدي عليها بعد ساعه تكون لبست ومشي بسرعه وهي طلعت جري عشان تلحق تلبس
واول ما خبطت فتحت لها احلام وحكتلها شهد كل اللي حصل فاحلام بصت لشهد ولعينيها اللي بتلمع وحست ان شهد ابتدت تتشد لمعتصم فسكتت وابتدت تساعدها عشان تلبس وبعد ساعه كانت شهد واقفه ادام المرايه مش مصدقه انها هي ده اللي واقفه عشان احلام حطت لها ميك اب تحفه بقت عينيها واسعه ورفعت شعرها لفوق بس سابت خصل على وشها ورقبتها وحدتلها بيرفيوم نينا ريتشي الجديد وكان حلو اوي وحست شهد انها سندريلا ورايحه الحفله بتاعت الامير............
يا ترى ايه اللي هيحصل في الحفله ؟؟؟؟؟؟؟؟؟؟؟؟



السكرتيرة الحسناء

 

 

الحلقة الثالثة

تاني يوم صحيت شهد الساعه 6 الصبح ولبست جينز ازرق فاتح وقميص ابيض قصير وسابوه ابيض عالي وشنطه بيضا وطبعا شعرها مفرود عشان ملوش حل تاني وحطت ميك اب هادي لونه بينك وشربت نيسكافيه ونزلت عشان متتأخرش ووصلت الشركه الساعه 7 الصبح ودخلت مكتبها وكان صغير بس ليه بابين واحد منهم على مكتب معتصم فقعدت وابتدت تحضر الاوراق اللي قالت عليها مدام احلام وكتبت مواعيد معتصم على الكومبيوتر والساعه 8 سمعت حركه في مكتب معتصم بصت من الباب اللي بين مكتبها ومكتبه لقيته دخل وهو لابس بدله كحلي مخططه بابيض وتحتها قميص ابيض وقلع الجاكت وعلقه على الشماعه وقعد على مكتبه وابتدى يفتح اللاب توب بتاعه فدخلت شهد وقالت:صباح الخير يا فندم
معتصم:صباح الخير يا شهد يا ريت بلاش يا فندم ده
شهد:ازاي يا فندم؟
معتصم:انتي محسساني اني عجوز
شهد:لأ طبعا حضرتك مش كبير خالص
معتصم:طيب قوليلي معتصم
شهد:زي ما تحب يا معتصم اتفضل ده مواعيد انهارده وده الاوراق اللي هتراجعها قبل الاجتماع بتاع انهارده
معتصم:خلصتي كل الحاجات ده؟
شهد:انا هنا من الساعه 7
معتصم:طيب ممكن تعمليلي فنجان قهوه مضبوط
شهد:نعم؟؟؟؟؟؟؟؟؟؟؟؟؟؟
معتصم:بعد اذنك يعني اصلي لسه مفطرتش
شهد:اوكيه ( وخرجت وهي متغاظه عشان هي سكرتيره مش شغاله هنا)
وبعد ما خرجت فضل معتصم يضحك عشان حس انها ادايقت مع ان سميره السكرتيره اللي قبلها كانت بتحضره ياكل عشان كان بينسى ياكل طول اليوم بس حس ان شهد مختلفه فيها حاجه بتشده ميعرفش ايه؟ بس اكتر حاجه لفتت نظره شعرها ولونه وتسريحته حلوين اوي وكمان عينيها اللي علطول بتلمع............
سمع معتصم خبطه عالباب ولقي شهد داخله بصينيه عليها قهوه وكرواسان وكوباية ميه وقالت:اتفضل
معتصم:ميرسي,مش هتفطري معايا
شهد:لا انا فطرت عن اذنك
معتصم:اتفضلي
خرجت شهد ودخلت مكتبها وهي متغاظه وبعد شويه جت مدام احلام تطمن عليها ولما حكتلها شهد اللي حصل ضحكت احلام وقالت:
احلام:ايه اللي زعلك في كده؟
شهد:هو انا الشغاله بتاعته؟
احلام:بس اي سكرتيره بتعمل كده لمديرها
شهد:يعني ايه؟
احلام:بصي يا شهد يا حبيبتي الوظيفه ده مليون بنت يتمنوها فلازم تحافظي عليها وبلاش الحساسيه بتاعتك ده
شهد:حاضر يا طنط
احلام:يلا اسيبك انا بقى عشان عندي شغل كتير
شهد:باي
بعد شويه رن الجرس اللي بينادي بيه معتصم على شهد فردت:
شهد:تحت امر حضرتك
معتصم:تعالي لو سمحتي
شهد:حالا
ودخلت شهد المكتب وطلب منها معتصم تكتب على الكومبيوتر اللي هيقوله وابتدت شهد تكتب كل الكلام واكتشفت ان معتصم جد جدا في شغله والوقت معاه بيعدي بسرعه من غير ما تحس وبعد ما خلص بصت في الساعه لقيت ان بقالها ساعتين بتكتب متواصل وحست ان ظهرها وجعها اوي فمعتصم قال:
معتصم:كتبتي كل حاجه؟
شهد:ايوه
معتصم :طيب ممكن تاخدي راحه نص ساعه وترجعي تاني
شهد:انا لسه متعبتش
معتصم:لا ده وقت الراحه بتاعك روحي كلي اي حاجه في البوفيه
شهد:وحضرتك مش هتاكل
معتصم:لا انا ورايا شغل كتير
شهد:طب عن اذنك
معتصم :اتفضلي ,وقعد يكمل شغله على الكومبيوتر
نزلت شهد البوفيه ولقيت اغلبية الموظفين قاعدين بياكلوا فقعدت في ترابيزه عليها بنتين من سنها اتعرفت عليهم منه وساره وهما في قسم العلاقات العامه واول ما عرفوا انها سكرتيرة معتصم ابتدوا يسألوها بيعاملها ازاي ورأيها فيه ايه؟
شهد قالت:ايه يا جماعه مالكم ؟هو بيعاملني عادي خالص
منه:اصل انا كان نفسي اشتغل معاه
ساره:وانا نفسي بس اتكلم معاه خمس دقايق
شهد:للدرجه ده؟
منه:يا بنتي ده كل الموظفات هيموتوا عليه
ساره:ده عليه احلى عينين شفتهم في حياتي
شهد:مخدتش بالي
منه:يا سلام معقول؟
شهد:انا من ساعة ما جيت وانا بشتغل
ساره:بجد؟
شهد:اه والله
منه:انا بسمع انه جد في شغله بس معقوله للدرجه دي؟
شهد:ده مش بيحس بالوقت خالص
ساره:برده يا بختك
منه:وربنا يكون في عونك
شهد ضحكت وابتدوا يتكلموا في مواضيع تانيه وهما بياكلوا ساندويتشات ويضحكوا..........................

يا ترى هيحصل ايه لشهد تاني يوم في الشغل ؟؟؟؟؟؟

 



السكرتيرة الحسناء

 

الحلقة الثانية

 

نزلت شهد مع مدام احلام واشترت لبس كتير وشيك وكانت شهد فرحانه اوي لأنهامكنتش بتقدر تطلب حاجه في بيت هشام عشان مراته كانت بتزعل وبعد كده راحوا اتغدوا في النادي ورجعوا البيت بالليل ونامت شهد في اوضتها وتاني يوم صحيت بدري لقيت مدام احلام بتفطر وهتنزل شغلها فقالت:
شهد:صباح الخير يا طنط
احلام:صباح الخير يا حبيبتي,ها نمتي كويس؟
شهد:جدا جدا
احلام:انا هروح الشغل وانتي اقعدي ارتاحي والشغاله هتيجي الساعه 10 تعمل كل حاجه
شهد:اوكيه
احلام :عايزاكي تفكري عايزه تعملي ايه الفتره اللي جايه؟
شهد:مش عارفه
احلام:يعني تحبي تاخدي كورسات او اي حاجه تشغل وقتك؟
شهد:انا اخدت كورسات انجليش وكمبيوتر لما كانت ماما عايشه ومش محتاجه تاني
احلام :برده فكري عقبال ما آجي
شهد:حاضر
ونزلت احلام وفضلت شهد قاعده على الكومبيوتر تشوف اخبار الدنيا وكل شويه الشغاله تسألها تشرب حاجه وحست شهد انها اكيد بتحلم بعد كل المشاكل في بيت اخوها وخناقات مراته معاها بقت عايشه في هدوء بس يا ترى هتفضل عايشه كده من غير ما تعمل حاجه مفيده؟؟؟؟؟؟؟؟؟؟؟؟؟؟؟؟؟؟؟
رجعت مدام احلام الساعه7 المغرب وغيرت هدومها وقعدت تتعشا مع شهد:
احلام:ها يا حبيبتي عملتي ايه انهارده؟
شهد:قعدت عالنت واتفرجت عالتليفزيون
احلام:طب فكرتي عايزه تعملي ايه؟
شهد:آه فكرت
احلام:ها قولي؟
شهد:انا عايزه اشتغل
احلام:تشتغلي؟
شهد:ايوه يا طنط انا لازم اخرج للدنيا واشوف ناس وكمان اكسب فلوس
احلام:طب وعايزه تشتغلي ايه؟
شهد:بصي يا طنط انا خريجة تجاره انجليش ومعايا كورسات كتير فمتهيألي سهل الاقي شغل
احلام:طيب سيبيني افكر وارد عليكي
شهد:ربنا يخليكي ليه يا احلى خاله في لدنيا
وبعد اربع ايام الصبح كانت شهد قاعده بتتفرج عالتلفزيون رن تليفون البيت:
شهد:الو
احلام:كويس انك صاحيه
شهد:خير يا طنط في حاجه
احلام:عندي ليكي خبر حلو اوي
شهد:خير فرحيني؟
احلام :عايزاكي تقومي تلبسي البدله البيج اللي اشتريناها سوا وتحطي ميك اب رقيق وتجيلي الشركه اللي بشتغل فيها خلال ساعه
شهد:طيب بس قوليلي فيه ايه؟
احلام :سكرتيرة المدير خدت اجازة وضع وانا رشحتك تاخدي مكانها
شهد:بجد طيب قوليلي العنوان
احلام:اركبي تاكسي وقوليله الشركه المتحده للتسويق العقاري
شهد:خلاص استنيني انا جايه
احلام:اوعي تتأخري
شهد:لا طبعا باي
احلام:باي يا حبيبتي
وجريت شهد على الحمام خدت دش بسرعه ولبست البدله البيج وكان بنطلونها ضيق والجاكت قصير ولبست تحتيها بادي بني وشوز بني بكعب وشنطه صغيره بني
بس كانت متدايقه من شعرها مكنش بيتعمل اي حاجه غير انه يفضل مفرود ونازل كيرلي وتقيل جدا وهي كانت مش بتحبه بس مفيش وقت تروح للكوافير وحطت ميك اب خفيف ونزلت وركبت اول تاكسي.................................

في الشركه كان معتصم قاعد مدايق اوي عشان السكرتيره خدت اجازه وهو مش عارف يلاقي اي ورق محتاجه بس كان مستني السكرتيره اللي قالت عليها مدام احلام مديرة العلاقات العامه وفضل مستنيها.................
بعد ساعه سمع معتصم خبطه على باب مكتبه واتفتح الباب ولقي مدام احلام داخله وبتبتسم ووراها بنت صغيره اوي في السن وشعرها كتير اوي وعينيها واسعه وبريئه وكان وشها احمر من الكسوف
دخلت شهد ورا خالتها مكتب المدير ولقيت شاب ممكن يكون في اوائل التلاتينات قاعد على مكتب فخم جدا ولابس بدله رمادي فاتح وتحتها قميص اسود وبشرته سمرا وعينيه سودا بس واسعه اوي وشعره اسود وناعم وطويل ولقيته بيبصلها من فوق لتحت فادايقت جدا وكانت عايزه تجري من ادامه
احلام:صباح الخير يا معتصم
معتصم :صباح الخير يا مدام احلام
احلام:اقدملك شهد السكرتيره اللي كلمت حضرتك عنها
معتصم:اتفضلي اقعدي يا شهد
شهد:صباح الخير يا فندم (ومدت ايديها تسلم عليه ومسك ايديها جامد وهي حست بان جسمها كله بترعش وقعدت على الكرسي)
معتصم:اتفضلي حضرتك يا مدام احلام
احلام:عن اذنكوا
معتصم فضل يبص لشهد و شهد عايزه تقوم من ادامه عشان شكله مقتنعش بيها
معتصم:انتي اتخرجتي امتى؟
شهد:الصيف اللي فات
معتصم :يعني من شهرين؟
شهد:ايوه
معتصم:معاكي كورسات؟
شهد قدمتله ملف فيه كل الكورسات اللي خدتها وكمان التدريب بتاع الكليه
معتصم بص في الملف وضحك:ده انتي شكلك شاطره اوي
شهد:حضرتك تقصد ايه؟
معتصم:اصل بصراحه شكلك صغير اوي
شهد:طب ما حضرتك صغير على انك تكون مدير شركه
معتصم:معاكي حق بس انا مسكت الشركه بعد ما بابا تعب وبعد ما علمني كل حاجه
شهد:انا مقصدش كده انا قصدي ان السن ملوش علاقه بقدرات الانسان
معتصم:يعني انت قد الشغل معايا
شهد:ان شاء الله
معتصم:طب بصي انا هوافق انك تشتغلي شهرين تحت التدريب
شهد ضحكت جامد اوي وعينيها كانت بتلمع من السعاده:ان شاء الله هكون عند حسن ظن حضرتك
معتصم:والمرتب في الفتره ده 3الاف جنيه
شهد:اوكيه
معتصم:تيجي بكره الساعه 7 ومدام احلام هتفهمك نظام الشغل
شهد:اوكيه عن اذن حضرتك
وخرجت شهد وفضل معتصم يبص عليها وهو مش مصدق انه وافق يعين بنت ضغيره كده سكرتيره بس قعد يضحك عشان حس انها شخصيه قويه وعايزه تحقق حاجه في حياتها.......................................
خرجت شهد من مكتب معتصم لقيت احلام مستنياها :انا اتعينت
احلام:بجد
شهد:اه وكمان هيديني 3 الاف جنيه تخيلي
احلام :مبروك يا حبيبتي
شهد:انا هآجي بكره الساعه 7 الصبح
احلام طيب تعالي معايا اعرفك النظام ايه في الشركه وكمان اعرفك مكان الملفات والاوراق المهمه.......................................




السكرتيرة الحسناء

 

الحلقة الأولى

 

صحيت مدام احلام من النوم على صوت جرس الباب بصت في الساعه لقيتها 8 الصبح فاستغربت مين هيزورها بدري كده فلبست نظارتها والروب بتاعها وقامت تفتح الباب ولما فتحت لقيت قدامها بنت اختها الصغيره شهد وكانت بتعيط جامد اوي فاخدتها في حضنها ودخلتها جوه وراحت تعملها كوباية عصير عشان تهدي اعصابها وبعد ما شربت لعصير قالت مدام احلام:
احلام:هديتي؟
شهد:ايوه
احلام:ممكن اعرف ايه اللي حصل بالضبط؟
شهد ابتدت تعيط تاني..........................
بصتلها احلام ولقيتها نسخه من اختها الصغيره الله يرحمها شعرها طويل وبني وكيرلي وعينيها عسلي فاتح وبشرتها بيضا بس فيها نمش وطولها 165سم وجسمها مضبوط وشهد كملت 21 سنه من شهرين وبعد وفاة باباها ومامتها عاشت مع اخوها ومراته واحلام حاولت تاخدها تعيش عندها بس اخوها مرضيش ابدا وبالرغم من ان مراته بتكره شهد الا انه صمم على رأيه وطبعا احلام سكتت بس واضح ان المره ده مرات ابن اختها زودتها مع شهد خالص...........
احلام:عملتلك ايه المره دي؟
شهد وهي بتعيط:طردتني عشان مش موافقه اتجوز اخوها
احلام:هي حصلت خلاص انتي مش هترجعي بيتهم تاني ومادام اخوكي مش عارف يحافظ عليكي انا هخليكي معايا وهحطك فعينيه
شهد:وهتقولي ايه لابيه هشام؟
احلام :ملكيش دعوه قومي خدي دش وادخلي نامي في الاوضه التانيه
شهد قامت ودخلت الحمام وهي تحت الميه قعدت تفكر كانت هتعمل ايه لو مكنتش طنط احلام موجوده في الدنيا بعد موت مامتها وباباها
وقررت شهد انها لا يمكن ترجع عند هشام ومراته تاني ابدا......................
الساعه 12 الظهر رن جرس الباب فخافت شهد فاحلام قالت:
احلام:ادخلي جوه ومتخرجيش
شهد:هتعملي ايه معاه؟
احلام:متخافيش يا حبيبتي
فتحت احلام الباب ولقيت هشام واقف فقالتله:
احلام:ادخل يا هشام
هشام:صباح الخير يا طنط ,فين شهد؟
احلام:اختك عندي من بدري بعد ما مراتك طردتها
هشام:شيماء مكنش قصدها تطردها
احلام :بص يا هشام مراتك مضايقه من وجود اختك صح ولا لأ؟
هشام:لأ طبعا ده بيتي
احلام:و بيتها هي كمان ومن حقها تعيش فيه براحتها
هشام:يعني اسيب اختي تعيش بعيد عني؟
احلام:بص يا هشام انا من بعد وفاة جوزي وانا عايشه لوحدي سيب شهد تعيش معايا وبكده كلنا هنرتاح
هشام:والناس تقول ايه؟
احلام:الناس مش هتتكلم لو انت قلت اني انا اللي طلبت ان شهد تعيش معايا عشان انا حاسه بوحده
هشام:حضرتك شايفه كده؟
احلام :صدقني ده احسن حل
هشام:طب ممكن اشوف شهد قبل ما امشي؟
احلام:شهد تعالي سلمي على اخوكي
شهد جت واول ما شافت هشام حضنها جامد وقالها:انا آسف على كل اللي حصل
شهد:انت ملكش ذنب
هشام:خلي بالك من نفسك
شهد:متقلقش عليه
ومشي هشام وهو بيمسح دموعه عشان شهد هتعيش بعيد عنه بس المشاكل بينه وبين شيماء بسبب شهد زادت اوي وهو تعب .
احلام:يلا بقى عشان هننزل نتغدى في النادي
شهد بصت لهدومها وقالت :لأ انا مش عايزه اخرج
احلام:بصي يا شهد انا ربنا مرزنقيش بأطفال فعايزاكي تعتبريني زي مامتك الله يرحمها ,اتفقنا؟
شهد:اتفقنا
احلام:اول حاجه هنروح نشتريلك لبس كتير وبعد كده هنتغدى في النادي وبعدين نفكر هتعملي ايه الفتره اللي جايه
شهد حضنت احلام جامد وحست ان الدنيا هتضحكلها لأول مره من يوم موت مامتها